بمناسبة عيد الأم الحبيبة أهدي هذه الأبيات لأمي ولكل الأمهات على مساحات الجغرافيا والزمن داعياً من الله أن يحتضن برحمته أرواح كل الأمهات اللواتي رحلنَ إلى عالم الآخرة ليسكنَّ الفردوس الأعلى .
أمّي
بْأوِّلْ حْرُوفِكْ بَلَّشِتْ لْحْروفْ
وْ آخِرُ حْرُوفِكْ حَرْف يْنْهيها
اسْمِكْ يإمّي أوّلْ المْأْلوفْ
وْ كلْمِةْ يإمِّي مْنبْتدي فيها
أمّي يأوّلْ ملجَأْ منْ الخوفْ
رَوضِةْ أمانْ مْنهْرَبْ عليها
كْبرْنا عَ إيْديها وْ صرْنا نْطوفْ
تْعَتَّقْ أَمَلْنا في خَوابيْها
وْ الأمْ إسْمَا مِنْ العَسَلْ مَقْطوفْ
الجنّةْ بْتفْرشلا رَوابيْها
لَحْنْ الحنانْ بْصوتْها معزوفْ
الحُبّْ ابتَدا مِنْ حَدَقْ عينيها
لو حزْنِتْ بْيبقَى الزَّمَنْ مَخسوفْ
وْ لو غابِتْ بْتبْكي السَّما عليها
وْ الفَرَحْ دوْنا منْ القلبْ مَحذوفْ
وْآياتْ شِوقْ وْحزنْ نْتْليها
كلّْ الشِّعرْ قدَّامها مكْسوفْ
وْ عطْشى القصائِد كيفْ إرويها
كل عام وأنتنَّ جميعاً بخير
جهاد شاهين...سوريا...طرطوس.
ليست هناك تعليقات:
إرسال تعليق